Ons is ongelooflik trots om drie van ons leerders te vereer wat met uitmuntende prestasies uitgeblink het!
Zoe Campher, Drian Gildenhuys en Hestri Pearson het Erekleure vir Redenaars ontvang – ’n erkenning van hul toewyding, selfvertroue en talent op die planke.
By ander sportsoorte het Rikus Erekleure vir Boogskiet ontvang, terwyl Luandre Rademan Erekleure vir Landsdiens ontvang het, omdat hy verlede jaar die Nasionale Landsdienskamp in die Noord-Kaap, by Duin-in-die-Weg, bygewoon het.
Volkskool is ongelooflik trots op julle harde werk, deursettingvermoë en toewyding. Julle wys regtig wat dit beteken om ‘n ware Volksie te wees!
