Saterdag, 25 Oktober, het die son warm oor die Karoo gebrand en die wind sy eie spel gespeel, maar niks kon die gees van Volkskool se jaarlikse gholfdag demp nie. Van die eerste afslaan tot die laaste put was dit ’n dag vol lag, lekker kuier en puik gholfspel.
Die gholfers het met goeie humor en entoesiasme gespeel – selfs toe die wind die bal en die baan op die proef gestel het. Dit was nie net oor wenners en tellings nie, maar oor saamwees, mekaar ondersteun en die onmiskenbare Volkskool-trots wat oral gevoel kon word.
‘n Groot dankie aan al die spelers, borge en helpers wat die dag moontlik gemaak het. Julle betrokkenheid dra by tot nog ‘n suksesvolle jaar vir Volkskool.
