Verlede Donderdag het Volkskool se top vier seuns en dogters tennisspelers koers gekies na Swellendam vir die jaarlikse Superspar Tennistoernooi.
Die spelers het hul staal gewys teen skole soos Swellendam, Drostdy, Langenhoven, Montagu, Bredasdorp, Worcester Gim en Vredendal. Daar was groot hoogtepunte:
Louwen Wolfaardt en AW Lamprecht was onoorwonne in hul enkels, met AW wat ‘n goue medalje ontvang het as die beste nr 4 speler van die toernooi.
Rudolph Hein van Eeden en Kian Keyser het sterk vertonings gelewer.
Ons dogters Alecia Louw, Sarah van Eeden, Janeske Bester en Chenoa Jeffrey het dapper vasgebyt teen taai teenstanders en waardevolle wedstryde gespeel.
Saterdag se gemengde dubbels het baie energie en spanwerk gebring. Louwen Wolfaardt en Alecia Louw het net een wedstryd verloor, terwyl al die Volkskoolspanne hul deel gedoen het om trots punte aan te teken.
Algeheel het ons net buite die top drie geëindig – maar die ware oorwinning lê in die spanbou, gees en herinneringe wat saam geskep is.
