29 Julie 2019

Die afgelope naweek het Hoër Volkskool se sportspanne teen Westering High School van Port-Elizabeth kragte gemeet. Dit was ‘n baie warm dag, maar tog gunstig vir goeie sport.

Die netbal het bietjie swaar gekry met spanne wat teen hul gelyke meegeding het nie. Die 0.14 A speel teen Westering se 0,14As en wen die wedstryd 15 – 10.

HVS se 0.16B span speel teen Westering se 0.16A span en verloor ongelukkig 7 – 19.

Die eerste span van Westering (0.19A) het teen HVS se 0.16A span gespeel. Die 0.16s het ‘n brawe geveg opgesit maar dinge het net nie gewerk nie. Hul verloor die wedstryd 12 – 33.

Die hokkie het die eerste spanne 1 – 1 gelyk gespeel, terwyl die derde span 0 – 3 verloor het.

Die rugby was baie meer in Volkskool se guns. Ons seuns het baie goed gelyk en spog vertonings gelewer. Die 0.14s wen 19 – 0, die 0.15s is ongelukkig en verloor 12 – 14.  Die 0.16s wen 21 – 7, die sekkeis wen 31 – 5 en die eerste span kon die knoop deurhak met 28 – 0.

Die 0.14 rugbyspan het ook in die week teen Spandau Sekondêre Skool se 0,14 span gespeel en wen die wedstryd 37 – 0.

22 Julie 2019

Volgens baie jare se tradisie het Hoër Volkskool weereens die naweek teen Gill College van Somerset Oos kragte gemeet op die sportveld. Ons het meegeding met rugby, hokkie en netbal. Aangesien ons nie meer ‘n formele Netbal interskole het nie, het Gill ingestem dat dit ons jaarlikse interskole wedstryd is. Toeskouers het die baan toegestaan toe die eerste span netbal teen mekaar gespeel het. Die wedstryd is voorgeloop deur die voorstelling van die twee spanne, afrigters en hoofde van die onderskeie skole. Daarna het die gasheerpaar, Zak van der Merwe en Tiane Lombard, saam met die ander belangrike persone, ‘n glasie geklink op goeie sportmansgees.

Die wedstryd het begin en met die snerpende koue het albei spanne gesukkel. Senuwees het ook ‘n rol gespeel en doele wou nie sink vir albei spanne nie.

Na die eerste kwart was die telling 8 – 1 in Volkskool se guns. Na die tweede kwart het die spelers van Volkskool bewys hoekom hul provinsiale spelers was en het weggetrek in tweede rat. Die telling op die einde was 38 – 5 in Volkskool se guns.  Met die oorhandiging van die trofee het albei hoofde met reg vir Volkskool se spelers gekomplimenteer met hul ongelooflike spel en dat hul vertoon-netbal speel. Lykita Koeberg is aangewys as die Speler van die Westryd.

Die tellings van die ander spanne:

0.14B 13 – 5

0.14A 10 – 14

0.16C 2 – 10

0.16B 8 – 8

0.16A 17 – 15

0.19B 31 – 7

Op die hokkieveld het dit ook baie goed gegaan met Hoër  Volkskool. Die wind het die toestande baie moeilik gemaak maar dit het ons nie gekeer om goeie hokkie te speel nie. Die tweede span wen 3 – 0 en die eerstes het geboer in die doelhok met ‘n telling van 9 – 1.

Op die rugbyveld was daar gemengde uitslae. Die 0.14’s het 27 – 10 gewen, die 0.15’s verloor 10 – 22. Die 0.16s wen 38 – 5 terwyl die tweedes 17 – 24 verloor. Die eerste span het hul harte uit gespeel en kon ‘n wen verseker met ‘n telling an 36 – 7. Die drieë is gedruk deur Devan Nel, Jan-Hendrik Gouws, Ricklin Niemand, Wayne Coetzee en Sherwin van Staden. Die skopwerk is gedoen deur Alwyn van der Merwe en Jay-Dee Jooste. Wayne Coetzee is na die wedstryd aangewys as die Speler van die Wedstryd. Hy het ‘n bal van Projek Dawid, wat geborg is deur mnr Izak van der Merwe ontvang.

Foto: Wayne Coetzee met sy Projek Dawid bal

15 Julie 2019

Die afgelope naweek het Hoër Volkskool teen Cradock Hoërskool kragte gemeet op verskillende sportgebiede. Die dag het plaasgevind op Kwaggapark, die tuiste van die Kwaggas.

Die dag het baie koud begin, maar het vinnig warm geword. Met die nadeel van op die  bus vries, het dit nie die Volksies afgesit nie en het elkeen hul hart uitgespeel. Die uitslae was gemeng, maar almal het die dag baie geniet.

HVS tellings eerste

Rugby:

0.14 10 – 7

0.15 0 – 60

0.16 40 – 15

2des 21 – 10

eerstes 21 – 18

 

Hokkie

derdes 1 – 3

0.16A 4 – 0

eerstes 4 – 1

 

Netbal

0.14 A 20 – 11

0.14B 3 – 5

0.16A 13 – 19

0.16B 6 – 33

0.16C 8 – 4

2es 18 – 9

eerstes 27 – 16

Die naweek speel ons teen Gill College van Somerset-Oos te Hoër Volkskool. Die jaarlikse Netbal-interskole vind dan plaas. Die eerste spanne word om 12h voorgestel en die hoofwedstryd begin om 12:15. Ons nooi almal om ons te kom ondersteun in hierdie titaniese stryd.

25 Mei 2019

Die afgelope naweek het ons teen Hoërskool Aliwal Noord te Aliwal Noord gespeel. Dit het baie goed gegaan met ons eerste spanne. Die dag het bietjie deurmekaar gehardloop met ‘n bus wat al by Lootsbergpas gebreek het, maar met gewillige ouers kon ons darem al ons spelers veilig in Aliwal-Noord kry! Hiermee bedank ons ook sommer alle ouers wat ingespring het en gehelp het! Ons waardeer dit baie!

Tellings is as volg: (HVS eerste)

Rugby:

0.14: verloor 10 – 14

0.16 verloor 12 – 28

tweedes wen 19 – 10

eerstes wen 27 – 16

 

Hokkie:

derdes verloor 0 – 3

0.16 wen 3 – 0

tweedes wen 6 – 0

eerstes wen 2 – 0

 

Netbal:

0.14B verloor 3 – 8

0.14A wen 13 – 7

0.16C teen 0.16C verloor 4 – 9

0.16C teen 0.19C verloor 4 – 16

0.16B verl;oor 4 – 12

0.16A wen 19 – 12

0.19B wen 16 – 15

0.19A wen 33 – 7.

18 Mei 2019

Die afgelope naweek het Hoër Volkskool teen Sentraal, Beaufort Wes deelgeneem.  Dit het baie goed gegaan met Hoër Volkskool se sportmanne en -vroue.

Uitslae is as volg:

Rugby:

0.15 wen 18 – 8

tweedes wen 29 – 20

eerstes wen 26 – 7

 

Hokkie

derdes speel gelyk 0 – 0

0.16A wen 6 – 0

eerstes wen 8 – 0

 

Netbal

0.14A speel gelyk 14 – 14

0.16A wen 24 – 16

tweedes verloor 13 – 18

eerstes wen 40 – 15.

11 Mei 2019

Die afgelope naweek het Hoër Volkskool teen Winterberg van Fort Beaufort en Hoërskool Nico Malan op Volkskool se velde meegeding.

Daar was gemengde uitslae, maar die sportmanne en -vroue het die dag baie geniet. Die weer was baie warm, maar dit het niemand gestuit nie.

Die tellings is as volg: HVS eerste:

Winterberg

Rugby:

tweedes: wen 28 – 20

0.15 wen 23 – 5

Netbal:

0.14A wen 10 – 7

0.14B wen 21 – 5

0.16A verloor 11 – 18

0.16B wen 17 – 8

tweedes wen 15 – 12.

 

Nico Malan

Rugby:

0.14 wen 21 – 7

Netbal:

Al die spanne verloor ongelukkig hul wedstryde. Die eerste spanne speel hierdie Saterdag teen mekaar in Humansdorp as deel van die Nasionale Netbal Liga Toernooi. Uitslag sal volgende week volg.

 

Hokkie:

0.16A wen 5 – 0

derdes verloor 0 – 1

tweedes: 2 – 0

Eerstes: 4 – 0.

 

Hierdie naweek speel ons teen Sentraal, Beaufort -Wes op ons velde. Almal is welkom om die Volksies te kom ondersteun!

 

4 Mei 2019

Die afgelope naweek het Hoër Volkskool op rugby, hokkie en netalgebied teen Hangklip, Queenstown, op tuisgrond gespeel. Dit was ‘n baie aangename dag.

Tellings: (HVS eerste)

Rugby:

0.14 10 – 12

0.15 10 – 43

0.16 24 – 12

tweedes 12 – 19

eerstes 22 – 12

Netbal:

0.14A 15 – 11

0.14B 4 – 1

0.16A 22 – 13

0.16B 13 – 14

0.16C 4 – 5

tweedes 26 – 19

eerstes 22 – 12

Hokkie:

0.16A 5 – 0

tweedes 1 – 1

eerstes 11 – 0

1 Mei 2019

Hoër Volkskool het op Werkersdag, 1 Mei na Somerset -Oos gereis om teen Hoër Landbouskool Winterberg tennis te speel. Daar was gemengde dubbels wedstryde, dubbels en enkelwedstryde gespeel. Hoër Volkskool het lekker gespeel en die wedstryde 13 – 1 gewen.

27 April 2019

Die afgelope naweek het Hoër Volkskool se sportspanne onder baie drukkende en warm toestande deelgeneem teen DF Malherbe. Die hokkie het ook kragte gemeet teen Framesby.

Daar was gemengde uitslae met goeie oorwinnings, maar ook ‘n paar leersame teleurstellings. Op die einde van die dag het sportmansgees geseëvier.

Tellings is as volg:

Rugby:

0.14 wen 12 – 5

0.15 verloor 3 – 25

0.16 wen 50 – 5

tweede verloor 15 – 19

eerste wen 31 – 14

Netbal:

tweede verloor 8 – 16

0.16A  gelyk 14 – 14

0.16B verloor 6 – 21

0.16C verloor 2 – 19

0.14A wen 12 – 9

0.14B wen 3 – 0

Hokkie  teen DF Malherbe

0.16 wen 8 – 0

Tweedes wen 5 – 0

Eerstes wen 3 – 0

Hokkie teen Framesby:

0.16 wen 4 – 0

tweedes wen 1 – 0

eerstes  wen 2 – 1

 

8-13 April 2019

Verlede Woensdag het Hoër Volkskool teen Hoërskool Burgersdorp kragte gemeet op die netbalbaan te Middelburg. Die weer was onvoorspelbaar, maar die wedstryde kon aangaan.

Die 0.14 Aspan verloor ongelukkig 10-12, die 0.16B span verloor 15-16 en die 0.16A span verloor ook met ‘n naelbyt telling van 13 – 14. Die tweedes het bietjie swaarder gekry en verloor 17-23. Die eerste span het egter ‘n goeie oorwinning behaal van 22 – 7, terwyl die wedstryd aan die einde van die derde kwart gestop moes word, omdat die bane te nat was om verder te speel.

Die afgelope naweek het van ons spanne teen Kirkwood gespeel. Ons het die tuisveld voordeel gehad en dit goed benut. Onder baie warm omstandighede, het Volkskool goed gevaar:

Netbal( HVS Tellings eerste)

0.14A 11 – 21

0.16A: 16 – 7

0.16B 12 – 13

tweedes: 24 – 5.

Hokkie:

Ons tweede span speel teen kirkwood se eerste span en wen oortuigend met ‘n telling van 3 – 1.

Die rugbyspanne wat gespeel het, was die 0.16s wat gewen het met ‘n telling van 24 – 20 en die eerstepsan wat baie goed gevaar het en ‘n uitstekende telling van 43 – 3 op die telbord gesit het.

Tennis:

Hoër Volkskool se eerste seuns- en dogters tennisspanne het verlede week teen Union High se eerste spanne tennis gespeel in die winterliga kompetisie. Die dogters wen die wedstryd 5 – 1 en die seuns wen ook die wedstryde 5 – 1.

6 April 2019

Die afgelope naweek was weer ‘n bedrywige naweek vir Hoër Volkskool op sportgebied. Ons het deelgeneem teen Burgersdorp Hoerskool te Burgersdorp.

Die tellings is as volg:

Rugby: eerstes was halftyd 8 – 21 agter, maar het ‘n uitstekende tweede helfte gehad en teruggeveg. Die eindtelling was in ons guns, 34 – 26.

Die tweede span wen 24 – 20, die 0.16’s wen 15 – 12. Die 0.15 span verloor ongelukkig 17 – 40 , asook die 0.14’s wat moet les opsê met ‘n telling van 10 – 21.

Die hokkiespanne wat gespeel het was die 0.16B span (wen 3 – 0) en die tweede span wat gelykop 0 – 0 gespeel het.

Die netbal is uitgestel weens provinsiale proewe en sal die twee skole mekaar die stryd aanse op die netbalbaan in MIddelburg later in die week.

Die eerste hokkiespan en die 0.16 A hokkiespan het die naweek teen Victoria Girls High op UHS se Astro gespeel. Die eerste span speel gelykop 2 – 2, en die 0.16 A’s 0 – 0 .